Krım sakinləri elektron pasportlar alacaq

İlk elektron pasportlar Krım sakinlərinə veriləcək.

Ölkə.Az xəbər verir ki, Rusiyanın Rabitə nazirliyinin rəhbəri Nikolay Nikiforov ölkədə ilk dəfə olaraq hansı bölgələrdə elektron pasportların tətbiq olunacağı barədə məlumat verib. Onun sözlərinə görə, sənədin yeni forması ilk dəfə Krım, Sevastopol, Rostov və Krasnodar diyarının sakinlərinə veriləcək.

"Artıq pasportların kağız formasında yox, elektron kart şəklində verilməsi məsələsi üzərində işlər aparılır. İlk olaraq biz bu işi Rusiyanın 4 müxtəlif bölgəsində aparmaq fikrindəyik. Pilot layihə olaraq biz 4 bölgəyə Krım, Sevastopol, Rostov və Krasnodarı seçdik", - deyə Nikiforov bildirib.

Rəşid Mustafazadə

Ölkə.Az