Azərbaycanda satılan dizel yanacağı maşını xarab edir
Avtomobildən paravoz kimi tüstü çıxır. Səsi isə traktoru xatırladır...
Yerli dizel yanacağı ilə işləyən maşınlar mütəmadi yoxlanılmayanda bu hala düşür - səsi və tüstüsü artır.
Mütəxəssislər bildirir ki, Azərbaycanda yalnız Avro 3 standartına uyğun dizel satılır ki, bu da 2000-ci ildən əvvəl istehsal edilən avtomobillər üçündür.
Ölkə.Az xezerxeber.com-a istinadən bildirir ki, belə avtomobillərlə bağlı ustalara tez-tez müraciətlər daxil olur. Bu zaman mühərikin düzəldilməsinin xərci avtomobilin marka və modelindən aslı olaraq 300 manatla 3 min manat arasında dəyişir. Sürücülər mühhərikin ömrünü qatqı maddələri ilə artıra bilərlər ki, belə maddələri də mühhərikin növünə görə seçmək lazımdır.
Qatqı maddələrinin normadan çox istifadə edilməsidə mühərrikə ziyan vura bilər.
