Zidan futboldan uzaqlaşdırıldı

Zidanın lisenziyası yoxdur.

Ölkə.Az xəbər verir ki, İspaniyanın üçüncü liqasında mübarizə aparan "Kastilya"-nın məşqçısı Zinəddin Zidan cəzalandırılıb.

Bildirilir ki, məşhur futbolçu və məşqçi 3 aylıq müddətinə futboldan kənarlaşdırılıb. Zidanın kənarlaşdırılmasına səbəb isə 42 yaşlı veteran futbolçunun məşqçilik etməsi üçün lisenziyanın olmaması olub. Zidanın A kateqoriyası üzrə məşqçilik lisenziyasının olmasına baxmayaraq, bunun gənc və bölgə komandalarını əhatə edən 2-ci səviyyəyə uyğun olduğu deyilib.

Zidanın "Kastilya"-ya məşqçilik etməsi üçün isə 3-cü liqadan La Liqaya qədər olan 3-cü səviyyə lisenziya lazımdır.

Qeyd edək ki, Zinəddin Zidan 2012-ci ildə lisans üçün Fransa Futbol Federasiyasına müraciət edib və hal-hazırda Federasiyanın qərarını gözləyir.

Rəşid Mustafazadə

Ölkə.Az