Dünyanın müxtəlif ölkələrində masa arxasında
Dünyanın bir çox xalqlarının qəribə yemək mədəniyyəti var.
Ölkə.Az bəzi ölkələrdə süfrə arxasında qəbul edilmiş müəyyən davranış qaydalarını təqdim edir:
Yaponiyada əriştə yeyəndə ağız marçıldadırlar
Bir çox yapon yeməyində əriştədən istifadə edilir. Udon adlandırılan yapon əriştəsi milli ərzaq sayılır. Yaponiyada udonun əsl dadını hiss etmək üçün ağız marçıldatmaq zəruri sayılır.
Əfqanıstanda ancaq sağ əllə yeyilir
Əfqanıstanda qida qəbulu ilə bağlı bir neçə maraqlı adət var. Məsələn, qonağı qapıdan ən uzaq küncdə otuzdururlar. Bu ölkənin sakinləri yeməyi ancaq sağ əllə yeyirlər. Əgər çörək yerə düşsə, onu qaldırıb öpmək, alına qoymaq və bundan sonra yemək lazımdır. Qeyd edim ki, bu adət bizdə də var. Hətta bir çoxları küçədə yerə atılmış çörəyi öpərək hündür bir yerə qoyurlar.
Monqolustanda ayin yerinə yetirib araq içirlər
Monqolustanda araq içmədən əvvəl bir neçə damcını kənara atırlar. Bundan sonra barmağı alına qoyub "vurmaq" lazımdır.
İtaliyada nahara qədər kapuçino içirlər
İtaliyada belə bir yazılmamış qanun var. Heç bir italyan təyin edilmiş vaxtdan sonra kapuçino içmir. Bundan başqa, yeməkdən sonra kapuçino içilmir.
Yaponiya və Koreyada yeməkdən əvvəl hesab ödənilir
Çox güman ki, bu ölkələrin sakinləri yemək yemə prosesindən ləzzət almaq, maddiyyat barədə düşüncələri bir kənara atmaq istəyirlər. Amma turist axını bu adəti zəiflədir.
Yaxın Şərq ölkələrində şərti işarələrdən istifadə edib qəhvə içirlər
Məsələn, bədəvilər qonaqlıq zamanı müsafir imtina edənə qədər onu qəhvəyə qonaq edirlər. İmtina etmək üçün isə, fincanı xüsusi qaydada silkələmək lazımdır. Əks halda qəhvənin ardı kəsilməyəcək.
Koreyada yaşlılara hörmət
Əgər yaşca böyük içki təklif edirsə, stəkanı iki əl ilə götürmək, sonra bir qurdum içmək lazımdır. Süfrədə isə ən yaşlı adam əlini uzatmasa, yeməyə başlamaq olmaz. O getmədən də masanı tərk etmək düzgün sayılmır.
İngiltərədə şərabı masanın sol tərəfindən təqdim edirlər
Şərabı sağ tərəfdən təklif etmək səhv, verməmək isə axmaqlıqdır. Bu adəti britaniyalı dənizçilər yaradıblar.
Türkiyədə qonaqlıqda düzgün oturmaq şərtdir
Böyük şəhər və kurort zonalarında xüsusi bir adət olmasa da, əyalətlərdə maraqlı adətlər var. Məsələn, qonaq gedərkən elə oturmaq lazımdır ki, ev sahibi ayağın altını görməsin. Bu təhqir sayılır.
Efiopiyada ümumi qabdan yeyirlər
Efiopiyada hamı bir qabdan yemək yeyir. Əgər siz ümumi qabdan özünüzə bir boşqabda pay istəsəniz, bu. təhqir sayılır. Eyni adət bir çox rus kəndlərində də var.
Hikmət
