İtaliya mətbuatında Azərbaycanın multikulturalizm siyasəti ilə bağlı məqalə
Noyabrın 6-da İtaliyanın tanınmış mətbu orqanı sayılan və gündəlik nəşr olunan "Müasir Diplomatiya” (Modern Diplomacy), elektron qəzetində elmi araşdırmacı, jurnalist və Azərbaycanda fəaliyyət göstərən Beynəlxalq Multikultural Şəbəkənin İtaliyadakı rəsmi nümayəndəsi Alesio Stilo ( Alessio Stilo) imzası ilə “Multikulturalizm ölübmü? Deyəsən hələ yox.....”( Multiculturalism is dead? Not quite yet) adlı məqaləsi çap olunub.
Ölkə.Az-ın məlumatına görə, italiyalı elmi araşdırmacı, jurnalist Alesio Stilo, 1 ilə yaxındır ki, Azərbaycanda fəaliyyət göstərən, Xəyalə Məmmədovanın rəhbərlik etdiyi Beynəlxalq Multikultural Şəbəkənin İtaliya üzrə rəsmi ölkə təmsilçisidir. Hazırda Beynəlxalq Multikultural Şəbəkənin 60-yaxın ölkədə rəsmi ölkə təmsilçiləri fəaliyyət göstərir.Şəbəkənin fəaliyyətinin əsas məqsədi Azərbaycanın bu sahədə gerçəkliyini beynəlxalq səviyyədə təbliğatını aparmaq,etnik-mədəni, dini müxtəlifliyin tolerant əsaslarının qarşılıqlı elmi təhlilini aparmaqla, qorunub-saxlanılma yollarını müəyyənləşdirməkdir. Eyni zamanda bu sahədə həyata keçirilən beynəlxalq tədbirlərdə dünyada milli və dini tolerantlığın gücləndirilməsi, multikulturalist dəyərlərin təbliği,ayrı-seçkiliyə qarşı birgə mübarizə yollarının araşdırılması və multikulturalizm siyasətinə yardım edən proqram və layihələrin işlənilib hazırlanması və bu kimi aktual məsələlərin eyni zamanda həm yerli və beynəlxalq səviyyədə kütləvi informasiya vasitələrində həyata keçirməkdir.
Alesio Stilo aparadığı araşdırmasında XXI əsrin əvvəllərindən başlayaraq, bir sıra Qərb ölkələrinin müəyyən obyektiv və subyektiv səbəblər üzündən cəmiyyətdə etnik-mədəni müxtəlifliklərin tənzimlənməsində yaranan ciddi problemlərlə üzləşdikləri problemlər haqqında, eyni zamanda bunun qarşılığında bir sıra Avropa ölkələrinin multikulturalizm siyasətinin müasir dövrdə səmərəsiz olması səbəbindən rəsmən iflasa uğradıqlarını bəyan etmələri haqqında məqalə dərc etmişdir.Müəllif Azərbaycan tarixini, mədəniyyətini, dövlətçiliyini və bu gün ölkəmizdə həyata keçirilən uğurlu multikulturalizm siyasətini dünya ictimaiyyətinin diqqətinə çatdırmışdır. Qanunvericiliyimizdən və Azərbaycan multikulturalizminin özəl prinsiplərindən irəli gələrək icra edilən din siyasəti və ölkəmizdə yaşayan azsaylı xalqların, toplumların mədəniyyət nümunələrinin qorunması, hüquqlarının ali təminatı istiqamətində görülən işlər, Respublikada Prezident İlham Əliyev tərəfindən elan olunmuş multikulturalizm siyasətinə yardım edən proqramlar, layihələr və uğurla həyata keçirilən beynəlxalq tədbirlər haqqında geniş məlumat vermişdir. Məqalədə olan maraqlı məqam bu gün multikulturalizm siyasətini həyata keçirməsində problem yaşayan Qərb ölkələrinə Azərbaycan Multikulturalizm modelini nümunə göstərərək,öyrənməkləri gərəkən vacib dərs olduğunu vurğulamasıdır.
