Elza Seyidcahan: \"Səsimi Trampa verirəm\"

Əməkdar artist Elza Seyidcahan ABŞ-da keçirilən prezident seçkilərindən danışıb

Ötən il Azərbaycan Milli Məclisinə keçirilmiş seçkilərdə namizəd olmuş sənətçi Ölkə.Az-a açıqlamasında Donald Trampı dəstəklədiyini bildirib:

"Ümumiyyətlə, siyasətdən uzaq insanam. Məncə, yaradıcı insanlar siyasətin dərinliklərinə varmazlar. Amma siz dediyiniz kimi, mən də deputatlığa namizəd olmuşam. Çox istərdim ki, Donald Tramp seçilsin. Biz müharibənin əleyhinəyik. Sülhməramlı insanın seçilməsini istədiyim üçün Klintonu dəstəkləmirəm, səsimi Trampa verirəm. ABŞ çox böyük dövlətdir, bütün xalqlara qapılarını açıblar. Azərbaycanla ABŞ-ın yüksək səviyyədə dostluq əlaqələri var. Bu il bizdə multikulturalizm ildirir, çox istərdim ki, Tramp seçilsin və mən də bu ad altında Amerikada bir konsert verim".

Xatırladaq ki, bir neçə dəqiqə öncə açıqlanan nəticələrə görə, Donald Tramp 274 nümayəndəyə çataraq ABŞ prezidenti seçilib.

İntiqam VALEHOĞLU
Ölkə.Az