Razi Nurullayev: “Amerikada inqilaba bərabər hadisə baş verib”
ABŞ-da dünyanın düzəninin dəyişmə prosesi gedir. Bunu seçkidən bir gün əvvəl yazmış və Trampın qələbə şansının olduğunu qeyd etmiş, bu halda Azərbaycan, Rusiya və İran üçün nələrin olacağını söyləmişdim”.
Ölkə.Az xəbər verir ki, bunu Azərbaycan Xalq Cəbhəsi Partiyası (AXCP) sədri Razi Nurullayev ABŞ-da keçirilən prezident seçkilərinin ilkin nəticələrinə münasibət bildirərkən deyib.
AXCP sədri qeyd edib ki, nə olub-olmamasından asılı olmayaraq artıq Amerikada inqilaba bərabər hadisə baş verib və ABŞ siyasətində mütləq dəyişiklik olacaq:
“Klintonun seçilməyinə hər dəqiqə ümidlər azalmaqdadır. Donald Tramp qələbəyə yaxındır. Avropa şokdadır. Azərbaycan hakimiyyəti, Rusiya və digər bənzər ölkələr sevinir. Axı Tramp heç bir ölkə ilə demokratiya mücadiləsi aparan deyil. Məsələ burasındadır ki, bu, bizi narahat etməməlidir. Demokratlar da demokratiyadan danışsa da, Azərbaycanda hakimiyyət dəyişikliyi edən deyillər. Hər şey bizdə olduğu kimi deklorativdir.
İndi Tramp dönəmi başlarsa, bunun üçün hazırlaşmaq və uyğunlaşmaq tələb olunur. Dünya iqtisadiyyatı üçünsə Trampın qələbəsi daha stimulverici olacaq. O cümlədən, Azərbaycan üçün”.
