Tramp prezident seçildikdən sonra ilk çıxışında bunları dedi

"Hillari Klintona təşəkkür edirəm"

Ölkə.Az xəbər verir ki, bunu seçkilərinin ilkin nəticəsindən sonra Republikaçılar Partiyasından prezident seçilən Donald Tramp xalqa səslənişində deyib:

"Mövcud problemlərin həllinə çalışacağam. Biz bütün şəhərlərimizi yenidən inşa edəcəyik, yoxsul təbəqənin vəziyyətinin yaxşılaşdırılması üçün çalışacağıq. Keçmiş hərbçilərimizə xüsusi güzəştlər tətbiq edəcəyik. Biz xalq olaraq onlara borcluyuq."

Hillari Klintona seçki maratonunda verdiyi əməyə görə təşəkür edən Tramp bunun ABŞ-dakı demokratiyanın göstəricisi olduğunu bildirib:

"Biz yenidən dünyanın ən güclü iqtisadiyyatına sahib olacağıq. Həmçinin dünyadakı bütün ölkələrlə münasibətimizi yaxşılaşdıracaq, dostluq münasibətlərini bərpa edəcək, bunda müvəffəq olmaq üçün bütün addımları atacağıq. Hər bir amerikalıya və hər bir dövlətə qarşı ədalətli olacağıq".

Tramp sonda ailəsi başda olmaqla hər bir dəstəkçisinə təşəkkür edib.