Trampın prezidentliyini həzm edə bilməyən məşhurlar

ABŞ-da keçirilən prezident seçkilərinin nəticələrinə əsasən Donald Tramp prezident seçildi.

Ölkə.Az xəbər verir ki, qələbədən sonra bütün nəzərlər Trampın əleyhdarı olan məşhurlara çevrildi. Çünki bir müddət əvvəl müəyyən məşhurlar seçkilərdə Respublikaçıların namizədi Tramp əleyhinə çıxışlar etmişdi.

23 yaşlı Mayli Tramp prezident seçiləcəyi təqdirdə başqa ölkəyə köçmək məcburiyyətində qalacağını demişdi.

26 yaşlı Jennifer Lourens "Əgər Tramp seçilsə, dünyanın axırı çatıb deməkdir" demişdi.

68 yaşlı Stifen Kinq "Təbriklər, Respublikaçılar. 3 yaşlı uşaq təmkinliyinə sahib həssas bir irqçini namizəd göstərdiniz" demişdi.

70 yaşlı müğənni Şer Tramp prezident seçilsə, Yupiterə köçmək lazım olduğunu bildirmişdi.

Ben Stiller Donald Trampı "Çılpaq silah" komediya filmindəki mənfi obraza bənzədir və onu ciddi qəbul etmədiyini bildirmişdi. Trampı ciddi qəbul edən insanları isə başa düşmədiyini qeyd etmişdi.

Bu ilin əvvəllərində Donald Trampın həyatına aid filmdə onu canlandıran aktyor Conni Depp Trampın əslində şıltaq uşaq olduğunu bildirmişdi.

39 yaşlı müğənni Şakira da Trampın nitqlərindən narahat olduğunu bildirmişdi. "Nifrət dolu irqçilik aşılayan danışıqlar illərdir ki, müxtəlifliyin və demokratiyanın olduğu ölkəni bölməyə çalışmaqdır" demişdi.

Müğənni Riki Martin də Latın amerikalılara qarşı Trampın hörmətsizliyindən narahat olduğunu bildirmişdi.

İngilis fizik Stifen Haukinq isə Tramp kimi bir demaqoqun siyasətdə necə yüksəldiyini anlamadığını və onun pis bir insan olduğunu söyləmişdi.

Aktrisa Salma Hayek isə məmnuniyyətlə "Axmaqlar üçün ABŞ tarixi" kitabını Trampa hədiyyə etmək istədiyini bildirmişdi.

Hikmət
Ölkə.Az