Siyavuş Novruzov: "Rüstəm İbrahimbəyov siyasətçi ola da bilməz"

Dünən kinorejissor Rüstəm İbrahimbəyovun mətbuata verdiyi açıqlama sensasiya doğurdu.

Belə ki, APA-ya müsahibə verən kinorejissor heç vaxt siyasətlə məşğul olmadığını bildirib.

Kinorejissorun bu etirafını millət vəkili Siyavuş Novruzov Ölkə.az-a verdiyi açıqlamasında belə qiymətləndirib:

"Bəli, Rüstəm İbrahimbəyov heç vaxt siyasətlə məşğul olmayıb, ola da bilməz. O rejissordu. Bəzi adamlar, yəni müəyyən xarici qüvvələr onu tora salıb istəyirdilər ki, siyasətə qoşsunlar. Özü də bir balaca qoşulduqdan sonra, belə deyək də, bir az maddi durumunu yaxşılaşdırdıqdan sonra yenə də öz işini davam etməyə başladı".

Xatırladaq ki, 2013-cü ildə keçirilən prezident seçkiləri zamanı Rüstəm ibrahimbəyov Milli Şuranın vahid namizədi elan olunmuşdu. Sonradan Milli Şura sədrinin təkidi ilə bu öhdəlik Cəmil Həsənlinin üzərinə düşdü.

Ölkə.az