Azərbaycanda 212577 nəfər şəkərə tutulub
“Azərbaycanda 2016-ci ilin son hesablamalarına əsasən, 212 min 577 nəfər şəkərli diabet xəstəsi rəsmi qeydiyyatdadır”
Ölkə.Az AzVision.az-a istinadən xəbər verir ki, bunu Mirqasımov adına Respublika Klinik Xəstəxanasının Respublika Endokrinoloji Mərkəzinin direktor müavini Babek Salek Diabet Günü ilə bağlı keçirilən tədbirdə deyib.
B.Salek qeyd edib ki, 1-ci tip şəkərli diabet xəstələrinin sayı 28924, 2-ci tip şəkərli diabet xəstələrinin sayı isə 183653 nəfərdir.
“2016-cı il üçün dövlət büdcəsindən şəkərli dibaetlə bağlı dövlət proqramına 40,1 mln manat vəsait ayrılıb. Dünyada hər 11 nəfərdən biri şəkərli diabet xəstəsidir. 75 faiz şəkərli diabet xəstəsi olan insanlar aşağı və orta gəlirli ölkələrdə yaşayır. Hazırda dünyada 415 milyona yaxın şəkərli diabetlə xəstəsi var. 2040-ci ildə bu rəqəmin 642 milyon olması ehtimal edilir”.
B.Salekli qeyd edib ki, şəkərli diabetin skrininqi xəstələyin erkən aşkarlanmasını, erkən tibbi müdaxiləni, fəsadların erkən aşkarlanmasını təmin edir. “Böyüklər arasında 2-ci tip şəkərli dibaet xəstəsi olan hər 2 nəfərdən biri öz xəstəliyi haqqında məlumatsızdır. Şəkərli diabetlə xəstə olduqlarını bilməyənlər isə ağır fəsadlar əmələ gəldikdən sonra həkimə müraciət edirlər. Ancaq düzgün qidalanma, fiziki aktiv həyat tərzi, pis vərdişlərdən imtina 70 faizə qədər şəkərli dibaetin 2-ci tipi ilə xəstələnmənin qarşısını alır. Bu isə o deməkdir ki, 160 milyona qədər insan şəkərli dibaetə tutulacaq”.
