BMT: İŞİD Mosulda iki gün ərzində 60 dinc sakini edam edib

BMT-nin qaçqınlarla iş üzrə idarəsi bildirib ki, İraqın Mosul şəhərində İŞİD terrorçuları iki gün ərzində 60 nəfər dinc sakini qətlə yetiriblər.

Ölkə.Az xəbər verir ki, 8 noyabr tarixində edam edilən 40 nəfər Mosul sakini İraq təhlükəsizlik qüvvələri ilə əməkdaşlıq etməkdə günahlandırılırdı.

Eyni gün mobil telefondan istifadə etdiyi üçün bir sakin də "məhkəmə"nin qərarı ilə kütlənin gözü qarşısında qətlə yetirilib.

Noyabrın 9-u axşam saatlarında terrorçular Mosulun şimalında 20 dinc sakini də qətlə yetiriblər.

Hikmət
Ölkə.Az