Avtomobil ticarət mərkəzinə çırpılıb, yaralılar var
Gəncədə yol qəzası baş verib.
Ölkə.Az ARB Kəpəz-ə istinadən xəbər verir ki, hadisə şəhərin Nizami Gəncəvi prospektində qeydə alınıb.
Hərəkətdə olan "Hyundai Sonata" markalı avtomobilin sürücüsü idarəetməni itirib və nəqliyyat vasitəsi yolu keçən iki piyadanı vurub. Daha sonra isə yoldan çıxaraq Mərkəzi Univermağın birinci mərtəbəsində yerləşən mağazalardan birinə çırpılıb. Qəza nəticəsində xəsarət alan kişi və qadın xəstəxanaya aparılıb. Avtomobilə və obyektə ciddi ziyan dəyib.
Faktla bağlı araşdır aparılır.
