Prezident cəbhə bölgəsində

Bu gün Azərbaycan prezidenti İlham Əliyev Füzuli rayonuna səfərə gedib.

Ölkə.Az xəbər verir ki, dövlət başçısına son vaxtlar rayonda görülən işlər, həyata keçirilən layihələr və gələcəkdə yaradılacaq müəssisələr barədə də məlumat verildi. Bildirildi ki, növbəti illərdə rayonda aqropark, ət və süd məhsulları istehsal edən müəssisə və istixana kompleksinin inşası nəzərdə tutulub.

***

Daha sonra ölkə başçısı Füzuli rayonunda “Azərxalça” ASC-nin ilk filialının - xalça kombinatının açılışında iştirak edib.

***

Prezident eyni zamanda Füzuli rayonunun Horadiz şəhərində inşa edilən avtovağzal kompleksində yaradılan şəraitlə tanış olub. İ. Əliyev avtovağzalın rəmzi açılışını bildirən lenti kəsib.

***

 İlham Əliyev Füzuli rayonunun Horadiz şəhərində Dövlət Rəsm Qalereyasının açılışında iştirak edib.

Dövlət başçısı İlham Əliyev qalereya binasının rəmzi açılışını bildirən lenti kəsdi, burada yaradılan şəraitlə tanış olub.

Binanın sahəsi 324 kvadratmetrdir. Burada Heydər Əliyevin və prezident İlham Əliyevin müxtəlif illərdə Füzuli rayonuna səfərlərini əks etdirən fotolardan ibarət guşə yaradılıb.

Qalereyanın ikimərtəbəli binasında rəsm əsərlərinin nümayiş etdirilməsi üçün sərgi zalı fəaliyyət göstərir.