İki dövlət Çinə qarşı birləşdi
Rəsmi Tokio Çinə qarşı ittifaq qurduğu Dehliyə nüvə və hərbi texnologiya satır.
Ölkə.Az xəbər verir ki, Hindistanla Yaponiya arasında dinc məqsədlər üçün nəzərdə tutulan nüvə müqaviləsi imzalanıb. Müqaviləyə əsasən rəsmi Tokio nüvə enerjisi istehsalını artırmaq istəyən Hindistana nüvə yanacağı, texnologiya və avadanlıq satacaq.
Müqaviləyə əsasən yaponiyanın verdiyi avadanlıq və yanacaq ancaq dinc məqsədlər üçün istifadə ediləcək. Əgər Hindistan nüvə sınağı həyata keçirmək istəsə, Yaponiyanın müqaviləni ləğv etmək hüququ var.
Müqavilə Yaponiya baş naziri Şinzo Abenin Hindistanın lideri Narendra Modi ilə görüşündən sonra imzalanıb.
Hindistanın qonşusu Pakistan və Çinin nüvə gücünə sahib olduğu üçün nüvə enerjisi tutumunu 2032-ci ilə qədər 10 dəfə artırmaq niyyətindədir.
Hikmət
