Dünyanın ən varlı köpəyi
Dünyanın ən varlı köpəyi? Yəqin ki, başlığı oxuyanda bir çoxları təəccübləndi. Amma bu bir reallıqdır. İnanmırsınız?
O zaman Ölkə.Az-ın dünyanın ən varlı köpəyi ilə bağlı yazısını oxuyun.
1992-ci ildə alman qrafinyası Karlotta Libenşteyn bütün var-dövlətini sevimli itinə, yəni alman qoyun iti 3-cü Günterə vəsiyyət etdi. Bir müddət sonra köpək öldü və onun var-dövləti oğlu 4-cü Günterə qaldı.
Bir neçə il əvvəl İngiltərənin "Sun" nəşriyyatı sahiblərindən külli miras qalan ən varlı heyvanların siyahısını tərtib etmişdi. 4-cü Günter adlı köpək siyahının lideri olub.
Köpəyin var-dövlətinin dəyəri 100 milyon dollardır! Bir çox mətbuat orqanı bu məlumatdan sonra bunun sadəcə bir reklam və tiraj artırmaq vasitəsi olduğunu söyləsə də, 1999-cu ildə 4-cü Günter daşınmaz əmlak biznesinə girişdi.
Köpək təbii ki vəkilləri vasitəsilə Silvestr Stallonenin Mayami-Biçdə dəyəri 25 milyon dollar olan villasını aldı. Amma alqı-satqı baş tutmadı. Günter 7.5 milyon dollara Madonnanın villasını aldı.
Günter mirası idarə edən iki oğlan və 3 qızla birlikdə yeni mülkə köçdü.
Günter bundan sonra İtaliyada 3 milyon dollara ağ göbələk aldı. Köpək bu göbələkdən hazırlanmış yeməkləri çox xoşlayır.
Bir müddət sonra Almaniya, İtaliya və Baham adalarında da villa aldı. Günterin şəxsi sürücüsü və avtomobili də var idi. Bir neçə il ərzində köpəyin var-dövləti 370 milyon dollar oldu.
Günter bu günə qədər də dəbdəbəli həyat tərzi sürür.
Hikmət
