Futbolçu qol sevincini güləş fəndi ilə qeyd etdi

Alman klubunun futbolçusu vurduğu qolu güləş fəndi ilə qeyd edib

Ölkə.az xəbər verir ki, ikinci Bundesliqanın 11-ci mərhələsində "Red Bull" komandasının kapitanı Daniel Fran "Boxum" komandasının qapısına vurduğu qolu böyük pərəstişkarı olduğu güləşin fəndi ilə qeyd edib.

Matç keçən həftənin sonu Leypsiq şəhərində keçib və ev sahiblərinin 2:0 qələbəsi ilə bitib. Bu qələbənin sayəsində "Red Bull" 19 xal toplayaraq turnirin 3-cü pilləsinə qalxıb. Bələliklə, bu komanda keçid matçlarda oynayaraq birinci Bundesliqaya keçmək hüququ qazanıb.

Fran nümayiş etdiyi bu fənd "RKO" adlanır və WWE ( World Wrestling Entertainment) adlanan dünyanın ən böyük peşəkar güləş birliyinn əsas ulduzlarından birinə, Rendi Ortona məxsusdur.

Qeyd edək ki, son vaxtlarda bu fənd çox məşhurlaşaraq müxtəlif idman növlərinin təmsilçiləri tərəfindən tez-tez təkrarlanır.

Çinarə Vahabzadə

Ölkə.Az