Roma Papası təkamül nəzəriyyəsini qəbul etdi

Roma Papası nəzəriyyələri barışdırdı.

Ölkə.Az The Guardiana istinadən xəbər verir ki, Roma Papası Fransisk yaradılış və təkamül nəzəriyyələri arasında fikir ayrılığının olmadığını bəyan edib. Roma Papası Pontifikial Elmlər akademiyasında çıxışı zamanı bu məsələyə toxunub.

Roma Papasının sözlərinə görə, Böyük partlayış hadisəsi əslində dünyanın Tanrı tərəfindən yaradılması fikrini heç də təkzib etmir, əksinə, özündə bu ideyanı ehtiva edir.

"Təkamül nəzəriyyəsi yaradılış nəzəriyyəsini inkar etmir, çünki təkamül üçün inkişaf edən varlıqların olması tələb olunur", - deyə pontifik qeyd edib.

Papa, eyni zamanda, Tanrının sehrbaz kimi təqdim olunmasının da əleyhinə çıxıb.

Xatırladaq ki, Roma Papası Benedikt XVI birmənalı olaraq yaradılış nəzəriyyəsinin tərəfdarı olduğunu bildirirdi.

Rəşid Mustafazadə

Ölkə.Az