Zəmanətlə aldığı telefon xarab çıxdı

Aldığı telefon 16 gün sonra xarab oldu. Zəmanəti olsa da mağaza onu geri götürmək istəmir.

Şəhriyar Axundov senytabr ayının 11-i mağazalardan birindən telefon alıb. Telefon sentyabr ayının 27-i xarab olub. Telefonuna bil il zəmanət verildiyindən mağaza onu servizdə təmir etdirib. Üzərindən bir neçə gün keçdikdən sonra isə  problem yenə baş verib və telefon qəflətən sönüb. Bu müddətə qədər telefon 3 dəfə təmir olunsa da yenə xarab olub.

Şəhriyar Axundov telefonsuz qaldığından mağazaya gedərək onu dəyişdirməyi xahiş etsə də "yox" cavabı alıb.

Antiinhisar Siyasəti və İstehlakçıların Hüquqlarının Müdafiəsi Dövlət Xidmətindən aldığımız məlumata görə, istehsalçının hüququ pozulub.

Zahid Şərifov bu halla rastlaşan vətəndaşların 195-2 çağrı mərkəzinə müraciət etmələrini deyir. Araşdırma müddətində telefonun şəxs tərəfindən sındırılmadığı aşkarlanarsa istehlakçının öz istəyindən asılı olaraq ya ödədiyi məbləğ geri qaytarılır, ya da yeni telefonla təmin edilir.

Ölkə.Az "Xəzər Xəbər"ə istinadən mövzu ilə bağlı daha ətraflı videomaterialı təqdim edir.