Aralıq dənizində rus qırıcısı qəzaya uğradı
Rusiya hərbi hava qüvvələrinin Miq-29K qırıcı təyyarəsi Aralıq dənizinə düşüb.
Ölkə.Az xəbər verir ki, texniki nasazlıq səbəbindən rus qırıcısı "Admiral Kuzneçov" təyyarədaşıyan gəmisinin göyərtəsindən qalxaraq yoxlama uçuşu keçirmək istəyib və bu zaman dənizə düşüb. Pilotun katapultasiya edərək xilas olduğu bildirilir.
Xatırladırıq ki, Rusiya hərbi donanmasına aid gəmilər qrupu, "Admiral Kuzneçov" təyyarədaşıyan kreyseri başda olmaqla keçən ay Aralıq dənizinə gətirilmişdi. Rus gəmiləri Suriyada hərbi əməliyyatlara dəstək verəcəklər.
