Bakıda səkilər avtodayanacağa çevrilib
Babək prospektində bir neçə yerdə piyada yolu zəbt edilərək dayanacağa çevrilib.
Ölkə.Az Xəzər TV-yə istinadən xəbər verir ki, prospektdə bəzi yerlərdə 200 metr, bəzi yerlərdə isə hətta 700 metrlik məsafə zəbt olunub. Qapısına isə qıfıl vurulub.
Zəbt olunan ərazilərin birində işçilər də var idi. Amma harada işlədiyini, müdirinin adını bilməyən işçilər.
Sahibkar zəngimizə cavab versə də, məsələni ictimailəşdirdiyimizi biləndə dedi ki, həmin adam deyil.
Vəziyyət aydındır. Yəqin ki, aidiyyəti qurumlar bu görüntülərdən sonra həmin sahibkarla bağlı bir tədbir görərlər.
