San-Marino almanların üzr istəməsini tələb edir

San-Marino respublikasının idman və turizm üzrə dövlət katibi Teodoro Lonfernini Almaniya futbol assosiasiyasının üzr istəməsini tələb edib.

Ölkə.Az xəbər verir ki, ötən cümə günü Almaniya millisi San-Marino fubol komandasını 8-0 hesabı ilə məğlub edib. Oyundan sonra Almaniya yığmasının hücumçusu Tomas Müller və klub təmsilçisi Hayns Rummeniqqe San-Marino yığmasını təhqir edib.

Belə ki adıçəkilən futbolçular San-Marino yığmasını həvəskar komanda adlandırıb və belə bir yarışın keçirilməsini futbolçuların zədələnmə riskindən başqa heç bir şey ifadə etmədiyini bildiriblər.

Lonfernini bildirib ki, almanlar futbol üzrə dünya çempionu olsalar da, dünyanın sahibi deyillər. San-Marino dünyada qonaqpərvərliyi ilə tanınmış dövlətdir. Ölkədə baş verən belə miqyaslı tədbirlərə böyük diqqət ayrılır. Amma almanlar bu sözlərinə görə üzr istəməlidilər.

Hikmət
Ölkə.Az