Prokurorluq ölkə prezidentinin dindirilməsini tələb etdi

Cənubi Koreya prokurorluğu ölkə prezidenti Pak Kın Xenin bu həftə ərzində ifadə verməsinin zəruri olduğunu bildirib.

Ölkə.Az xəbər verir ki, buna səbəb Koreyada baş verən səs-küylü siyasi skandal olub.

Əvvəlcədən də xəbər verildiyi kimi, Cənubi Koreyanın hüquq-mühafizə orqanları Pak Kın Xenin yaxını Çoy Sun Sili dövlət işlərinə qarışmaqda və böyük korporasiyalardan pul almaqda günahlandırır. İndi isə ölkə prezidentinin bu məsələdə nə dərəcədə əli olduğu aydınlaşdırılacaq.

Noyabrın 4-ü isə ölkə prezidenti canlı efirdə baş verən məsələyə dair könüllü surətdə ifadə verməyə hazır olduğunu bildirib. Amma prokurorluq prezidentin dindirilməsi üçün vaxt təyin edəndə, ölkə başçısının vəkili bildirmişdi ki, prezidentə hazırlaşmaq üçün vaxt lazımdır.

Bu həfə prokurorluq məsələ ilə bağlı prezidentin iki keçmiş katibinin ifadəsini alıb. Bir katib isə gizli məlumatı yaydığı üçün həbs edilib.

Hikmət
Ölkə.Az