Daniil Kvyat: Növbəti mövsüm böyük rəqabət olacaq

"Toro Rosso" komandasının pilotu Daniil Kvyat bildirib ki, növbəti mövsümdə böyük rəqabət olacaq.

Ölkə.Az xəbər verir ki, idmançının fikrinə görə, "Formula-1" yarışlarında qaydalara tətbiq edilən məhdudiyyət və dəyişikliklər bu idman növünü daha maraqlı edir. Rusiyalı pilot qeyd edib ki, növbəti mövsümdə "Formula-1" komandaları arasında rəqabət daha da artacaq.

Daniil: "Düşünmürəm ki, "Formula-1"ə maraq azalıb. Bu idman növü dəyişir və tez-tez qərarları yeniləyir. Fikrimcə, bolid yarışları bu səbəbdən maraqlıdır. Son 4 ildə "Mercedes" komandası daha çox işləyib. Növbəti mövsüm daha maraqlı olacaq. "Red Bull" və "Toro Rosso" komandalarının bolidlərində mühərrik eyni olacaq. Böyük rəqabətin şahidi olacağıq"-deyib.

Hikmət
Ölkə.Az