Damarları xolesterindən təmizləyən
Qan-damar sisteminin normal fəaliyyət göstərməsi üçün damarlar və arteriyalar xolesterindən təmizlənməlidir
Ölkə.Az qan-damar sistemini xolesterindən təmizləyən ərzaqların siyahısını təqdim edir:
1.Nar
2005-ci ildə ABŞ Elmlər Akademiyasının rəsmi dərgisində narın tərkibində yüksək miqdarda polifenol, C vitamini və doymamış yağlı turşuların olduğu dərc edilmişdi. Bu maddələr azot oksidin hazırlanmasına təsir edir. Bu maddə qanın damarlarda hərəkətini yaxşılaşdırır, orqanizmdə qan dövranını artırır və trombların yaranmasının qarşısını alır.
2.Sarımsaq
Sarımsaq arteriyaları təmizləmək üçün ən yaxşı vasitədir. Almaniyada aparılan tədqiqatlar təsdiq edib ki, müntəzəm olaraq sarımsaqdan istifadə etmək xolesterinin miqdarını azaldır, aortaların qalınlaşmasının qarşısını alır, ürək fəaliyyətini normallaşdırır. Bu isə yaşlı adamlar üçün vacibdir.
3.Qızılbalıq
Qızılbalıq damar aterosklerozunun profilaktikası üçün effektiv və dadlı qidadır. Bu balıq ətinin tərkibində omeqa 3 doymamış yağlı turşular var. Omeqa 3 turşusu ürək-damar sisteminə müsbət təsir göstərir və damarlarda xolesterin yığılmasının qarşısını alır.
4.Sarıkök
Bu əla qida damarlarınızı qoruyacaq. Sarıkökün tərkibində olan faydalı kurkumin maddəsi bütün orqanizmə müsbət təsir edir. Eyni zamanda qan damarları iltihabı riskini azaldır.
5.Zeytun yağı
Zeytun yağı antioksidant mənbəyidir. Eyni zamanda zeytun yağının tərkibində olan doymamış yağlar zərərli xolesterinin miqdarını azaldaraq faydalı xolestirini artırır. Müntəzəm olaraq zeytun yağından istifadə etmək qan damarının skleroz və trombozunun qarşısını alır, bu da öz növbəsində infarkt riskini azaldır.
Hikmət
Ölkə.Az