Ölkədən çıxışı qadağan edilən üç nəfər borcunu ödədi
Vergi borcuna görə ölkədən getmə hüququ məhdudlaşdırılmış fiziki şəxslərin sayı azalıb.
Ölkə.Az xəbər verir ki, Vergilər Nazirliyindən APA-ya verilən məlumata görə, 17 noyabr tarixinə vergi borcu olduğuna görə ölkədən çıxışı məhdudlaşdırılan şəxslərin sayı 420-yə enib.
Halbuki 15 noyabr tarixinə açıqlanan siyahıda 423 fiziki şəxsin adı qeyd olunub. Beləliklə, 3 nəfər vergi borcunu ödəyərək adının siyahıdan çıxmasına nail olub.
Nazirlik vergi ödəyicilərinin borcunu açıqlamayıb.
