Azərbaycanlı veteran idmançı vətənə iki qızıl medalla qayıdıb

Azərbaycan Kikboksinq Federasiyasının idarə heyətinin üzvü, veteran idmançı Həsən Hüseynov dünya çempionu olub.

Ölkə.Az xəbər verir ki, bir müddət əvvəl İtaliyanın Karrar şəhərində veteranlar arasında keçirilən idman yarışında Həsən Hüseynov iki qızıl medala layiq görülüb.

Həm uşu-sanda, həm də kikboksinq üzrə bütün rəqiblərini məğlub edən veteran idmançı fəxri kürsün ən yüksək pilləsinə qalxıb.

İdmançı ilə söhbətimiz zamanı məlum oldu ki, Həsən 4 versiya üzrə gücünü sınamaq istəsə də, idmanın uşu-sanda və kikboksinq versiyalarında gücünü sınayıb. Hər iki idman növündə qızıl medala layiq görülən veteran idmançı gənc idmançılara örnək olmaq, gənclər arasında idmanın kütləviliyini yaymaq istədiyini bildirib.

51 yaşlı idmançı bildirir ki, İtaliyada keçirilən kikboksinq yarışında onun rəqibləri özündən bir neçə yaş cavan, 41, 43 yaşlı idmançılar olub. Amma bununla belə, Həsən rəqiblərini məğlub edə bilib.

51 yaşında dünya çempionu titulunu qazanan idmançının oğlu da iki dəfə respublika çempionu tituluna layiq görülüb.

Ölkə.Az İtaliyada keçirilən yarışın videosunu da təqdim edir.

Hikmət
Ölkə.Az