Dünyanın ən varlı aktyorları

"Forbes" jurnalı 2016-cı ilin ən çox qonorar alan, ən çox pul qazanan aktyorlarının siyahısını tərtib edib.

Siyahı tərtib edilərkən aktyorların 2015-ci il iyun ayından 2016-cı il iyun ayına qədər olan gəlirləri nəzərə alınıb.

Ölkə.Az dünyanın ən pullu aktyorlarının siyahısını oxucularına təqdim edir.

1. Dueyn Conson

14 il əvvəl Dueyn Conson kinoda ilk roluna görə 5.5 milyon dollar qonorar alaraq "Ginnesin rekordlar kitabı"na düşmüşdü. Söhbət idmançının çəkildiyi "Əqrəblər şahı" filmindən gedir. Bu il isə aktyorun "Forsaj 8", "Malibu xilaskarları" və "Bir yarım casus" filmlərinə görə əldə etdiyi qonorar siyahının zirvəsinə qalxmağa səbəb olub. Conson bu xəbəri eşidəndə çox təəccüblənib.

Gəliri-64 milyon dollar

2. Ceki Çan

Ceki Çan Hollivudda artıq 5 ildir ki, kamera qarşısına keçmir. Amma onun adı hələ də Çin dilində "qızıl müqəddəs dağ" kimi tərcümə edilir. Aktyor "Meymunlar kralı" filmini səsləndirir, Çində filmlərə çəkilir və bəzi layihələrin prodüserliyini edir.

Gəliri-61 milyon dollar

3. Mett Deymon

2015-ci ilin sonunda Mett Deymonun iştirakı ilə çəkilən "Marslı" filmi dünya prokatında 630 milyon dollar gəlir əldə etdi. 2016-cı ildə isə "Ceyson Born" filminin 4-cü hissəsi təqdim edildi. Bundan başqa Mett rejissor Çjan İmounun lentə aldığı "Böyük Sədd" filminə görə də əla qonorar alıb.

Gəliri-55 milyon dollar

4. Tom Kruz

Tom Kruz dünyanın ən çox qonorar alan aktyorları siyahısının sevimlilərindəndir. Bu il aktyor "Lənətlənmişlər qəbiləsi" , "Cek Riçer: Heç vaxt qayıtma" və "Mena" filmlərinə görə yaxşı pul qazanıb.

Gəliri-53 milyon dollar

5. Conni Depp

Aktyor 2016-cı ildə "Alisa güzgülər krallığında" filminə çəkilib. Film uğursuz olsa da, Conni əvvəlcədən yüksək məbləğdə qonorarını alıb. Bundan başqa "Karib dənizinin quldurları-5" filminə görə də "Disney" şirkətindən yaxşı pul qopara bilib.

Gəliri-48 milyon dollar

6. Ben Afflek

Ben "Betmen Supermenə qarşı" filminə görə əla qonorar alıb. Eyni zamanda "DC" şirkəti tərəfindən yeni layihələrə müqavilə də imzalayıb. Aktyor həyatında ilk dəfə "Forbes"in "ən çox pul qazanan aktyorlar" siyahısına cəlb edilib.

Gəliri-43 milyon dollar

7. Vin Dizel

Vin Dizel də Dueyn Conson kimi "Forsaj" filmindən əla qonorar alıb. Amma Dizel təkcə bu filmlə kifayətlənməyib. "Üç iks:Dünya hökmranlığı" və "Qalaktikanın keşikçiləri 2" filmlərinə görə də yaxşı qonorar alıb.

Gəliri-35 milyon dollar

8. Şahruk Xan

Bollivudun ən yüksək qonorar alan aktyoru son il ərzində o qədər pul qazanıb ki, dünyanın ən pullu aktyorları siyahısına düşə bilib. "Aşiqlər", "Pərəstişkar" filmlərinə görə Şahruk təkcə qonorar yox, eyni zamanda satışdan faiz də alıb. Eyni zamanda Xan məşhurluğundan istifadə edərək müəyyən reklam çarxlarına da çəkilir.

Gəliri-33 milyon dollar

9. Robert Dauni

Ötən il Dauni 80 milyon dollar qazanaraq bu siyahıya liderlik edirdi. Amma 2016-cı ildə çəkildiyi "İlk qisasçılar:qarşıdurma" filmindən aldığı qonorar onu siyahının 9-cusu edib. Əgər aktyor mobil telefon şirkətinin reklamına çəkilməsəydi, siyahıya düşə bilməzdi.

Gəliri-33 milyon dollar

10. Bred Pitt

"Enmə oyunları" filminin prodüseri olub və rollardan birini ifa edib. Büdcəsi 28 milyon dollar olan film 133 milyon dollar gəlir qazanıb. Bu filmin uğuru və başqa bir müqaviləsinə görə Bred ilk dəfə 30 milyon həddini keçə bilib.