Ailə üzvləri Yaşar Nurinin məzarını ziyarət ediblər
Görkəmli sənətkarın vəfatından dörd il ötür...
Ölkə.Az PrimeTime.Az-a istinadən xəbər verir ki, noyabrın 22-si Azərbaycanın görkəmli sənətkarı, xalq artisti Yaşar Nurinin anım günüdür. Bu münasibətlə Yaşar Nurinin ailə üzvləri sənətkarın II-ci Fəxri Xiyabandakı məzarını ziyarət ediblər. Mərhumun ruhuna dualar oxunub.
Yaşar Nurinin həyat yoldaşı Rəhimə Nuriyeva və qızı Ülkər Nuriyeva doğma insanlarını yad edən hər kəsə təşəkkür edib: "Yaşar -yaşayır, unudulmayıb, sevilir və bu gün də canlıdır".
Rəhimə Nuriyevanın həyat yoldaşı barəsində dediyi fikirləri ilə razılaşmamaq mümkün deyil. Həqiqətən də, nə qədər Azərbaycan mədəniyyəti, incəsənəti, teatrı, kinosu yaşayır, Yaşar Nuri də, əbədi olaraq yaddaşlarda qalacaq, unudulmayacaq.
Həmişəyaşar Yaşar Nurinin ruhu şad olsun!
