Basketbolçu Dennis Rodman həbs ediləcək

Beşqat NBA çempionu Rodmanı iki illik həbs cəzası gözləyir.

Ölkə.Az xəbər verir ki, basketbolçu avtomobil qəzası törədib. Dennis hadisə yerindən qaçmaqda və yol-hərəkəti qaydalarını pozmaqda ittiham edilir.

Hadisə bu ilin iyul ayında Kaliforniyada qeydə alınıb. 55 yaşlı Rodmanın idarə etdiyi yolsuzluq avtomobili qarşı yola çıxaraq təhlükəli manevr edib. İdmançının vəkili bildirib ki, nəqliyyat vasitələrinin toqquşması qeydə alınmayıb və hadisədən sonra müvəkkili xəsarət alanlara yaxınlaşaraq onların vəziyyəti ilə maraqlanıb.

Bununla belə irəli sürülən ittihamlara əsasən, basketbolçu iki il müddətinə azadlıqdan məhrum edilə bilər.

Qeyd edək ki, Rodman peşəkar karyerasına 2006-cı ildə nöqtə qoyub.

Hikmət
Ölkə.Az