Liviyada meymun onlarla insanın ölümünə səbəb oldu
Liviyanın cənubunda Sabha şəhərində iki düşmən qəbilənin apardığı silahlı münaqişə nəticəsində ən azı 16 nəfər ölüb, daha 50 nəfər isə yaralanıb.
Artıq dörd gündür ki davam edən münaqişəyə meymun səbəb olub.
Kaddadfa qəbiləsindən olan satıcıya məxsus heyvan dükanın yaxınlığından keçən bir qrup məktəbli qıza hücum çəkib. Meymun Əvlad Süleyman qəbiləsindən olan qızın baş geyimini çıxarıb. Buna cavab olaraq qızın qohumları meymunu və düşmən qəbilənin üç nümayəndəsini öldürüblər.
Yerli sakinlərin sözlərinə görə, bundan sonra şəhərdə tanklardan, minaatanlardan və digər ağır texnikadan istifadə olunmaqla döyüşlər başlayıb. (oxu.az)
