Angela Merkel: Türkiyə ilə danışıqların dayandırılmasını istəmirik

Avropa Parlamentində Türkiyə məsələsinə dair səsvermədən əvvəl Almaniyanın baş naziri Angela Merkel rəsmi Ankara ilə danışıqların dayandırılmasını istəmədiyini, mənfi cəhətləri də dilə gətirəcəklərini bildirib.

Ölkə.Az xəbər verir ki, AP-də sabah keçirilməsi nəzərdə tutulan səsvermə ilə bağlı Türkiyə prezidenti sərt bəyanat səsləndirmişdi.

Almaniya Milli Məclisinin iclasında Türkiyə ilə alman hökuməti arasında dostluq münasibətlərinə aid müxalifətin tənqidlərinə Merkel cavab verib. Angela müzakirə mədəniyyətinə tərəfdar olduğunu, fəqət bu zaman səviyyəni qorumaq lazım olduğunu vurğulayıb.

Kansler deyib: "Türkiyədəki hərbi çevriliş cəhdini qınadıq. İstənilən terrorun əleyhinə olduğumuzu bildirdik. 4 min PKK-lı əleyhinə istintaq başlayıb. Amma siyasət hüquqa müdaxilə edə bilməz. Almaniya da bir çox ölkə kimi hüquqi dövlət qaydalarına əməl edir. Türkiyədə mətbuat azadlığı boğulur, minlərlə insan həbs edilir. Biz bunu qınayırıq.

Bununla belə, Türkiyə ilə danışıqların dayandırılmasını istəmirik".

Hikmət
Ölkə.Az