Britaniyalı deputatın qatili ömürlük cəzaya məhkum edildi

Deputat Co Koksun qətlində günahkar bilinən Birtaniya vətəndaşı Tomas Meyr ömürlük həbs cəzasına məhkum edilib.

Ölkə.Az xəbər verir ki, Tomas eyni zamanda əhv haqda ərizə ilə müraciət etmək hüququndan məhrum edilib.

London mərkəzi məhkəməsində qərar vermək üçün hakimlərə cəmi iki saat vaxt kifayət edib.

Məhkəmə təyin edib ki, çoxsaylı bıçaq və güllə yarası deputatın ölümünə səbəb olub.

Meyrin evində aparılan axtarışlar zamanı tapılan əşyalar müttəhimin Koksu qətlə yetirmək istəyini əvvəlcədən planlaşdırdığı və buna hazırlaşdığı üzə çıxıb.

Leyboristlər partiyasının üzvü Koks Qərbi Yorkşirdə, Lids şəhəri yaxınlığında yerləşən Berstoll qəsəbəsində 16 iyun tarixində ölümcül yaralanmışdı. Berstollda seçiciləri ilə görüşə hazırlaşan Koksun iki azyaşlı övladı var. Deputat xəstəxanaya çatdırılsa da, onu xilas etmək mümkün olmayıb.

Hikmət
Ölkə.Az