Quş skeleti 430 min dollara satıldı
İngiltərədə təşkil edilən hərracda nəsli kəsilmiş dodo quşunun skeleti 430 min dollara satılıb.
Ölkə.Az xəbər verir ki, İngiltərənin cənubunda yerləşən Billinqşarts kəndində yerləşən "Summer Place" hərrac evində satışa çıxarılan dodo skeleti bir kolleksioner tərəfindən alınıb.
Hərrac rəsmisinin verdiyi məlumata görə, skelet 40 il ərzində bir həvəskar tərəfindən toplanıb.
Ümumiyyətlə dünyada cəmi 12 dodo skeleti var. Nəsli kəsilmiş, göyərçinlər sinfindən olan, uçmağı bacarmayan dodo quşları sonuncu dəfə 16-cı əsrdə Hind okeanının Mauritius adasında portuqaliyalı dənizçilər tərəfindən görülüb.
1681-ci ildə çəkisi 23 kq olan dodo quşlarının nəslinin tükəndiyi bildirilmişdi.
Hikmət
Ölkə.Az
