"ABŞ-Rusiya münasibətləri ən pis həddədir"
Kremlin mətbuat katibi Dmitri Peskov ABŞ-Rusiya münasibətləri haqda danışıb.
Ölkə.Az xəbər verir ki, Dmitri Peskov Moskva ilə Vaşinqtonun əlaqələrinin pisləşməsi haqda ona sual verən jurnalistə belə cavab verib:
"ABŞ-Rusiya münasibətlərinin pisləşməsindən necə danışmaq olar ki, bu münasibətlər ən aşağı, ən pis vəziyyətdədir. Amma buna baxmayaraq biz dialoqun bərpa ediləcəyinə və münasibətlərimizin yaxşılaşması istiqamətində addımlar atılacağına ümid edirik", deyə Peskov vurğulayıb.
Daha sonra münasibətlərə yenidən baxılması məsələsinə toxunan Peskov Putinin də ABŞ-la ikitərəfli münasibətlərin yaxşılaşdırılmasına tərəfdar olduğunu qeyd edib.
