Nobel mükafatçısı Qəzzaya yardım etdi

Mötəbər mükafatın sahibindən humanist addım.

Ölkə.Az xəbər verir ki, Nobel Sülh Mükafatı mükafatçısı pakistanlı gənc fəal Malala Yusufzay Qəzzaya 50 min dollarlıq yardım edib.

Bildirilir ki, İsveçdə keçirilən mərasimdə çıxış edən Yusufzay bu vəsaitin BMT Fələstinli Qaçqınlara Yardım Təşkilatı vasitəsilə Qəzzadakı 65 məktəbin təmiri üçün istifadə olunacağını deyib.

"Dünya Uşaqları Mükafatından qazandığım pul mükafatının hamısının şagirdlərə və məktəblərə sərf olunacağını bildirməkdən qürur duyuram”", - deyə, Malala Yusufzay qeyd edib.

Xatırladaq ki, Malala Yusufzay hindistanlı uşaq hüquqları müdafiəçisi Kaylaş Satyarti ilə birlikdə 2014-cü il Nobel Sülh Mükafatına layiq görülmüşdü.

Rəşid Mustafazadə

Ölkə.Az