İsrail dövləti yanğınları söndürmək üçün kömək istədi

İsrail dövləti yanğınları söndürmək üçün 3 ölkədən kömək istədi.

Ölkə.Az xəbər verir ki, İsrail hökuməti müxtəlif bölgələrində yanğınları söndürmək mümkün olmadığı üçün Rusiya, Yunanıstan və Xorvatiyadan kömək istəyib.

İsrailin baş naziri Binyamin Netanyahu Rusiya baş naziri Dmitriy Medvedyevə, Yunanıstanın baş naziri Aleksis Çirpas və Xorvatiya baş naziri Andrej Plenkoviç ilə əlaqə saxlayıb.

Netanyahunun mətbuat xidmətindən verilən məlumata görə, o, həmkarlarından dünəndən başlayan yanğınları söndürmək üçün xüsusi təyyarə tələb edib.

Müraciət edilən ölkələr yanğını nəzarətə almaq üçün təyyarə göndərib və İsrail baş naziri həmkarlarına təşəkkür edib.

Qeyd edək ki, dünən Qüds də daxil olmaqla 13 bölgədə başlayan yanğınlar küləyin təsiri ilə ətrafa yayılmışdı.

Hikmət
Ölkə.Az