Qatil-dayə cinayət məsuliyyətindən azad edildi
Məhkəmənin hökmü ilə qatil-dayə Bobokulova cinayət məsuliyyətindən azad edilib.
Ölkə.Az xəbər verir ki, Moskva məhkəməsi uşaq ölümündə təqsirli bilinən Özbəkistan sakini, dayə Gülçöhrə Bobokulovaya hökm oxuyub.
Məhkəmənin qərarı ilə Bobokulova psixiatrik müalicəyə göndərilib. Müttəhim qərara əsasən, cinayət məsuliyyətindən azad edilib və ona tibbi xarakterli məcburi tədbirlərin tətbiq edilməsi nəzərdə tutulub.
Qeyd edək ki, cari ilin 29 fevral tarixində Bobokulova dayəsi olduğu 4 yaşlı qız uşağını qətlə yetirmişdi. Öldürdüyü körpənin başı ilə metro stansiyası ətrafında insanları partlayış hədəsi ilə qorxudarkən polis əməkdaşları tərəfindən həbs edilmişdi. Məhkəmədə cinayətini etiraf etmişdi.
Hikmət
Ölkə.Az
