Kreml administrasiyasında ixtisarlar başladı
Rusiya prezidentinin administrasiyasında əməkdaşların ixtisarına başlanılıb.
Ölkə.Az Rusiya KİV-lərinə istinadən xəbər verir ki, Kreml administrasiyasına daxil olan 21 idarənin böyük əksəriyyəti ləğv olunacaq və yerində cəmi 7-8 idarə qalacaq. İdarələrin ləğvi hazırda Kremldə çalışan əməkdaşların 50%-dən çoxunun ixtisara düşməsi ilə nəticələnəcək.
Xatırladırıq ki, Ukrayna böhranı ilə birlikdə Qərbin Rusiyaya tətbiq etdiyi sanksiyalar, habelə Rusiya büdcəsinin 80%-ə yaxının formalaşmasında əsas rol oynayan neftin dünya bazarlarında ucuzlaşmasından sonra bu ölkədə iqtisadi vəziyyət hər keçən ay daha da pisləşməkdədir. Hazırda ölkənin bank sektorunda ciddi problemlər yaşanır, özəl sektordan yüz minlərlə işçi ixtisara düşüb və bir sıra şirkətlər ümumiyyətlə bağlanıb.
