“Qarabağ” qrupdan necə çıxa bilər?
Avropa Liqasının qrup mərhələsində səfərdə “Slovan”a uduzan “Qarabağ”ın qrupdan çıxmaq şansı qalır.
Ölkə.Az xəbər verir ki, Offside.com.az-ın məlumatına görə, növbəti turda “Fiorentina”nı qəbul edəcək “Qarabağ” qalib gəlsə, digər oyunun nəticəsindən asılı olmayaraq 1/16 final mərhələsinə vəsiqə qazanacaq.
Komandamız heç-heçə nəticəsində də qrupdan çıxa bilər. Bunun üçün PAOK – “Slovan” oyunu ya bərabərliklə bitməli, ya da Çexiya təmsilçisi qalib gəlməlidir.
Gəlin 3 mümkün nəticəni araşdıraq:
QƏLƏBƏ
Fərz edək ki, son turda “Qarabağ” “Fiorentina”ya, PAOK “Slovan”a qalib gələcək. Bu zaman 3 komandanın 10 xalı olur. Avropa Liqasının reqlamentinin 16.01 maddəsinin “a” bəndinə əsasən “Slovan”la oyunların nəticələri nəzərə alınmır.
“Qarabağ” 3 komanda arasında 9 xal qazanmış olur və qrup lideri kimi mübarizəni davam etdirir. İtalyan və yunanlarin 3 komanda arasında görüşdə 4 xalı olur. Böyük ehtimalla PAOK 16.01. maddənin “b” bəndinə əsasən top fərqinə görə mübarizəni dayandırır.
Maraqlısı odur ki, “Qarabağ” qalib gəlsə, PAOK isə qələbə qazana bilməsə, bu zaman böyük ehtimalla “Qarabağ” artıq “Fiorentina” ilə öz aralarında görüşə görə 2-ci yerdə qalır.
BƏRABƏRLİK
“Qarabağ” “Fiorentina” ilə bərabərə qalır. PAOK “Slovan”ı məğlub edə bilmir. “Qarabağ” 8 xalla PAOK-u öz aralarındakı oyunlardakı üstünlüyə görə qabaqlayır və 2-ci yeri tutur. PAOK qalib gəldiyi təqdirdə növbəti mərhələyə italyan və yunanlar vəsiqə qazanır.
MƏĞLUBİYYƏT
“Qarabağ” “Fiorentina”ya məğlub olur. “Slovan” isə PAOK-u məğlub edir. 3 komandanın 7 xalı olur. “Fiorentina” ilə oyunlara baxılmır. “Qarabağ” 7, “Slovan” 7, PAOK 3 xal. Bu zaman 2 komanda arasında top fərqinə baxılır. “Qarabağ”da 5-5, “Slovan”da isə hal-hazırda olan 6-4 hesabı ilə son turdakı qələbə ilə daha da yaxşılaşır. Çexlər 2- ci yeri tutur.
|
1. |
Fiorentina |
5 |
3 |
1 |
1 |
13:5 |
10 |
|
2. |
Qarabağ |
5 |
2 |
1 |
2 |
6:10 |
7 |
|
3. |
PAOK |
5 |
2 |
1 |
2 |
5:6 |
7 |
|
4. |
Slovan |
5 |
1 |
1 |
3 |
7:10 |
4 |
