Beşiktaş azarkeşlərindən Alattin Aykaça etiraz
Ağ-qaraların azarkeşləri bir müddət Futbol Federasiyasında yüksək vəzifə tutan Alattin Aykaçın üzvlükdən çıxarılması üçün Beşiktaş rəhbərliyinə təzyiq göstəriblər.
Beşiktaşın sabiq rəhbərlərindən Yıldırım Demirörenin vəzifədə olduğu dövrdə ağ-qaraların klubunda, daha sonra isə Futbol Federasiyasında rəhbər vəzifə tutan Alattin Aykaçın Serbiya vətəndaşlığını qəbul etməsi azarkeşlərin qəzəbinə səbəb olub.
Futbol Federasiyasında rəhbər olarkən keçən mövsümdə “Fənərbaxça”-“Galatasaray” matçından sonra “Fənərbaxça” prezidenti Əziz Yıldırımın qarşısında yerdə oturduğu əks olunan fotoya etiraz olaraq kluba müraciətlər daxil olmuşdu.
Son gələn məktublarda isə Ermənistanın Azərbaycanda törətdiyi soyqırımı qəbul etməyən dünyanın dörd ölkəsindən biri olan Serbiya vətəndaşlığını qəbul edən Aykaçın klubdan çıxarılması tələb edilib.
Gələn məktublarda “BJK TV”-nin açılması ilə əlaqədar olan Aykaçın o dövrkü xərclərinin təhlil edilməsi də istənilib.
