Arakan müsəlmanlarına qarşı soyqırım davam edir

Myanmarda oktyabr ayından Arakan müsəlmanlarına qarşı əməliyat keçirilir.

Ölkə.Az xəbər verir ki, əməliyyat nəticəsində 400 dinc sakin qətlə yetirilib.

BMT Myanmarı Arakan müsəlmanlarına qarşı etnik təmizləmə siyasəti aparmaqda günahlandırır. Qurumun nümayəndələri tərəfindən "dünyada ən çox zülmə tabe olan və bu zülmdən qurtula bilməyən" xalq adlandırılan Arakan müsəlmanlarına qarşı Myanmar-Banqladeş sərhədddindəki kiçik bir qəsəbədəki hadisədən sonra əməliyyata start verilib.

9 oktyabr tarixində Raghine qəsəbəsində polis idarəsinə hücum edən quldurlar 9 polis əməkdaşını qətlə yetirib. Myanmar hökuməti isə hücumun radikal islamçılar tərəfindən törədildiyini bildirərək genişmiqyaslı əməliyyatlara başlayıb.

Ordu tərəfindən Arakan müsəlmanlarına aid kəndlər xəritədən silinir, mülki vətəndaşlar yaşayış yerlərini tərk edir. Bəzi sakinlər isə qonşu dövlət Banqladeşə qaçaraq düşərgələrdə yaşayır. BMT-nin hesabatlarına görə 150 min Arakan müsəlmanının qidaya ehtiyacı var və ərazi təhlükəsizlik bölgəsi elan edilib.

Hikmət
Ölkə.Az