WikiLeaks: ABŞ husilərlə müharibədən əvvəl Yəmən ordusunu silahlandırıb

WikiLeaks təşkilatı yeni sənədlər yayıb.

Ölkə.Az xəbər verir ki, ABŞ-ın Yəməndəki səfirliyinə aid 500 sənəd rəsmi Vaşinqtonun döyüşçüləri müharibədən əvvəl silahlandırdığı, təlim keçdiyi və maliyyələşdirdiyini üzə çıxarıb.

Eyni zamanda sənədlər müxtəlif təyyarə, gəmi və nəqliyyat vasitələrinin, Amerika biometrik sisteminin alındığını göstərir.

Sənədlər 2009-cu ildən münaqişənin başladığı 2015-ci ilin mart ayına qədər olan dövrü əhatə edir. WikiLeaks qeyd edir ki, Yəməndə müharibə ABŞ dövlət katibi Hillari Klintonun dövrünə təsadüf edir və onun yerinə Con Kerri təyin edilənə qədər davam edir. Eyni zamanda sayt Yəməndə fəaliyyət göstərən Amerika səfirliyinin 2015-ci ilin fevral ayında, yəni müharibədən bir ay əvvəl bağlandığını vurğulayır.

Qeyd edək ki, 2014-cü ildən Yəməndə silahlı münaqişə gedir. 2015-ci ildə Ərəb koalisiya qüvvələri qarşıdurmaya müdaxilə edib.

Hikmət
Ölkə.Az