Zəhərlənərək öldürüldüyü iddia edilən Gülnarənin oğlu danışdı

Sentyabr ayında vəfat edən Özbəkistan prezidenti İslam Kərimovun qızı Gülnarə Kərimovanın zəhərlənərək öldürüldüyü iddiası oğlu tərəfindən təkzib edildi

Ölkə.Az xəbər verir ki, Gülnarənin Londonda sürgün həyatı yaşayan 24 yaşlı oğlu İslam Kərimov 18 yaşlı bacısı İmanla əlaqə saxlayıb. İslam bacısından anasının sağ olduğunu və özünü yaxşı hiss etdiyini öyrənib.

2013-cü ildən üzə çıxmayan Gülnarənin evə həbs edildiyi, bir neçə ay psixiatrik klinikada müalicə olunduğu iddia edilirdi.

Özbəkistan müxalifətinə məxsus bir xəbər portalı Gülnarənin zəhərlənərək öldürüldüyünü və qəbrinin də yerlə yeksan edildiyini iddia etmişdi. Gülnarənin atası mərhum prezident İslam Kərimovun dəfn mərasimində iştirakına icazə verilməmişdi.

Hikmət
Ölkə.Az