Xalq artistinin qızı medalla təltif edildi

Gənc bəstəkar, xalq artisti Zümrüd Məmmədovanın qızı İlahə Qismət Qarabağ Müharibə Əlilləri, Veteranları və Şəhid Ailələri İctimai Birliyinin (AZQMƏVŞAİB) təsis etdiyi "Vətən naminə" medalı ilə təltif edilib.

Ölkə.Az-ın məlumatına görə, medalı gənc bəstəkara general Rasim Əliyev təqdim edib. Gənc istedad təəssüratlarını əməkdaşımızla bölüşüb:

"AZQMƏVŞAİB-n sədri Mehdi Mehdiyevə təşəkkür edirəm. "Vətən naminə" medalı ilə məndən savayı, cənab polkovnik Abdulla Qurbani də təltif olundu. Tədbirimdə dəyərli simaları-cənab general Yusif Axundzadəni, paralimpiya çempionumuz, cəngavərimiz İlham Zəkiyevi görəndə çox sevindim. Mənə dəstək olan hər kəsə təşəkkürümü bildirirəm".

Xatırladaq ki, İlahə Qismət bu yaxınlarda "Mən vətən torpağı, vətən daşıyam" adlı layihə həyata keçirib. Müdafiə Nazirliyinin Təlim Tədris Mərkəzində sözügedən layihə çərçivəsində konsert proqramı baş tutub.

Qeyd edək ki, İ.Qismət məşhur bəstəkar, xalq artisti Arif Məlikovun tələbəsidir.

İntiqam VALEHOĞLU
Ölkə.Az