Kerri Rusiya ilə Hələb məsələsinə dair müqavilə imzalamağa tələsir

ABŞ dövlət katibi Con Kerri Suriyanın Hələb şəhərinin mühasirəsinə son vermək üçün Rusiya ilə müqavilə imzalamağa tələsir.

Ölkə.Az xəbər verir ki, Kerrii postunu təhvil verənə və Trampın innauqurasiya mərasiminə qədər müqaviləni imzalamaq fikindədir.

Hələbin humanitar böhranla üz-üzə qalması yox, ABŞ-ın yeni prezidenti Donald Trampın rəsmi Moskva ilə yeni müqavilə imzalaya biləcəyi fikri Kerrini narahat edir. Dövlət katibi düşünür ki, Trampın bağlaya biləcəyi sözləşmə çərçivəsində ABŞ Suriya müxalifətini dəstəkləməyəcək və Əsəd rejimi ilə eyni cəbhədə olacaq.

Dövlət katibi pərdə arxasında diplomatik missiya ilə məşğul olur. Obama adminstrasiyasının dörd məmuru Kerriyə bildirib ki, tələsmək riskli olsa da, vəziyyətdən yeganə çıxış yoludur. Yəni Rusiyanın Suriya və Hələbə bomba yağdırmasının qarşısını almaq üçün bu müqavilə qısa müddətə imzalanmalıdır.

Rocin qeyd edib ki, hal-hazırda Hələb üzrə sözləşmə müzakirə edilsə də, bu müqaviləyə Səudiyyə Ərəbistanı, Qətər, Türkiyə və İranın bəzi bölgələri də əlavə ediləcəyi planlaşdırılır.

Müqaviləyə əsasən, Suriya müxalifəti terrorçu qruplaşmaları sıralarından xaric edəcək. Döyüşçülər Hələbi tərk edəcək. Əvəzində isə Əsəd və Rusiya şəhərin mühasirəsini dayandıracaq və humanitar yardımın şəhərə girməyinə imkan verəcək.

Hikmət
Ölkə.Az