İŞİD İsrail əsgərlərini hədəf aldı

İŞİD silahlıları İsrail əsgərlərinə hücum edib.

Ölkə.Az xəbər verir ki, hücum zamanı İsrail hərbi hava qüvvələrinə məxsus qırıcı təyyarələr cavab atəşi endirib.

Verilən xəbərə görə, İŞİD terrorçuları Qolan təpələrindəki İsrail əsgərlərinə avtomat silahdan və raketlərdən atəş açıb. Havaya qalxan İsrail qırıcıları isə İŞİD terrorçularını aparan avtomobili məhv edib. Hadisə İŞİD və İsrail arasında baş verən ilk toqquşmadır.

İsrail ordusunun mətbuat katibi Aviçay Adrii bildirib ki, İsrail ordusunun patrul briqadası təhlükəsizlik yoxlaması zamanı Suriya istiqamətindən atılan atəşə məruz qalıb. Hərbi hava qüvvələrinə məxsus qırıcılar Suriyadakı atəş nöqtələrini bombalayıb. Hadisədə İŞİD-in "Yermuk şəhidləri" adlı qrupunun 4 silahlısı qətlə yetirilib.

Hikmət
Ölkə.Az