Rəqəmsal teleyayıma keçiddən sonra boş qalmış tezliklər necə istifadə olunacaq?
“Azərbaycanda rəqəmsal teleyayıma keçiddən sonra boş qalmış tezliklər perspektivli mobil texnologiyaların inkişafı üçün istifadə olunacaq”.
Ölkə.Az xəbər verir ki, bu sözləri Rabitə və yüksək texnologiyalar nazirinin müavini Elmir Vəlizadə deyib.
“Rəqəmsal televiziyaya keçidin məqsədi ondan ibarətdir ki, teleyayımda istifadə olunan tezliklər boşaldılsın və gələcəkdə yeni texnologiyalar əsasında, xüsusən, mobil texnologiyalar, əşyaların interneti üçün lazım ola biləcək tezliklər şəklində istifadəsinə imkan yaransın”.
Onun sözlərinə görə, hazırda bu istiqamətdə iş aparılır:
“Güman edirəm ki, tezliklər boşaldıqdan sonra onların yenidən, xüsusən də, mobil xidmətlər üçün istifadəsi mümkün olacaq”.
