Filipe Massa idmanla vidalaşır

"Formula-1" pilotu Filipe Massa karyerasını başa vurur.

Ölkə.Az xəbər verir ki, braziliyalı pilot mövsümün sonuncu yarışında finiş xəttinə 9-cu pillədə çatıb və bu nəticədən razıdır.

İdmançı deyib: ""Formula-1" karyeramı necə və hansı yarışda başa vurduğum üçün fəxr edirəm. Mən son dövrəyə qədər mübarizə apardım və üzüağ şəkildə idmanı tərk edirəm. Əldə etdiklərimlə fəxr edirəm. Niko Rosberqi çempionatda qələbə qazandığı üçün təbrik edirəm. Bu simvolik hadisədir. Onun atası da çempion olub. Niko da çempion oldu. Onu bu qələbə münasibətilə bir daha təbrik edirəm".

Qeyd edək ki, braziliyalı pilot 2002-ci ildən "Formula-1" yarışlarına qatılır. 2008-ci il mövsümündə Lyuis Hemiltona 1 xal fərqi ilə uduzaraq vitse-çempion tituluna layiq görülüb.

Hikmət
Ölkə.Az