Kurtulmuş: Putin türk hərbçilərinə hücumda rusların əli olmadığını şəxsən bildirib

Rusiya prezidenti Vladimir Putin Suriyanın Əl-Bab şəhəri yaxınlığında yerləşən türk hərbi bazasına Rusiya hərbi hava qüvvələri tərəfindən heç bir avia zərbə endirilmədiyini bəyan edib.

Ölkə.Az xəbər verir ki, nazirlər kabinetinin iclasından sonra keçirilən mətbuat konferansında baş nazirin müavini Numan Kurtulmuş bu barədə məlumat verib.

Numan Kurtulmuş eyni zamanda qeyd edib ki qeyd edilən ərazidə keçirilən avia uçuşlar incələndikdən sonra lazım olan addımlar atılacaq. Rusya və prezident Putin hadisədə rus qırıcılarının əli olmadığını təsdiqləyib.

Qeyd edək ki, Rusiya prezidenti Vladimir Putin Əl-Bab şəhəri yaxınlığında həlak olan türk hərbçiləri ilə bağlı həmkarı Ərdoğana baş sağlığı verib. Hava hücumu nəticəsində 3 türk hərbçisi şəhid olub, 10 nəfər isə yaralanıb.

Hikmət
Ölkə.Az